Shancreatmedia မီးၿလွၵ်ႉၶိုၼ်ႈမႃးႁဵတ်းသင်လႄႈ? တီႈပွင်ႇလႅင်းမၼ်းႁဵတ်းသၢင်ႈ ၶိုၼ်ႈမႃးပုၼ်ႈတႃႇၵၢၼ်ၸႂ်ႉတိုဝ်း Program သေၸိူဝ်ႉသေပိူင် ပဵၼ် Program လွင်ႈ Multimedia မိူၼ်ၼင်ႇ Program တတ်းတေႃႇ Video, Program Encode file, Program Author DVD မေးၶႅပ်းႁၢင်ႈမိူၼ်ၼင်ႇ Photoshop ၸႃႇၵႂႃႇၸိူဝ်းၼႆႉသေလႄႈ ၶႃႈႁဝ်းၸင်ႇလႆႈပိုတ်ႇၽုၺ်ႇ ၿလွၵ်ႉၼႆႉၶိုၼ်ႈမႃးပုၼ်ႈတႃႇတေလႆႈမႅင်ႇၽေလွင်ႈတၢင်းႁူႉတၢင်းမေႃဢၼ်ယၢမ်ႈလႆႈလဵၼ်ႈ တူဝ်ထူပ်းမႃး ၵွပ်ႈပိူဝ်းဝႃႈဝၼ်းမိူဝ်ႈလဵဝ်ၼႆႉ ၵမ်ႇၽႃႇလႅၵ်ႈလၢႆႈမႃး တၢင်းႁူႉလွင်ႈၵၢၼ်ၸႂ်ႉ Program မီးၼမ်မႃး ၵူၺ်းၵႃႈပေႃးတူၺ်းဢဝ်ၽႃသႃလိၵ်ႈလၢႆးတႄႉ ဢမ်ႇပေႃး ႁၼ်လိၵ်ႈတႆး ႁဝ်းၼမ်ၵႃႈႁိုဝ် မၼ်းၵေႃႈပဵၼ်လွင်ႈယၢပ်ၽိုတ်ၼင်ႇၵဝ်ႉ မၢင်ၵေႃႉမီးလွင်ႈသူၼ်ၸႂ်ၶႂ်ႈၸႂ်ႉ Program ၵူၺ်းၵႃႈဢမ်ႇမီးၽူႈလႂ်ဢဝ်မႃႈၼေပၼ် ၶႃႈၵေႃႉၼိုင်ႈဢမ်ႇလူင်ႉလႅၼ်ႇၵေႃႈၵူၺ်း မိူၼ်ၼင်ႇပဵတ်းၼၼ်ႉယဝ်ႈ ၸႂ်ႉလမ်ၼမ်ႉၵေႃႈၸၢင်ႈမေႃယူႇ ၸႂ်ႉမိၼ်ၵေႃႈတေမိၼ်လႆႈယူႇ ၸႂ်ႉႁဵတ်းသင်ၵေႃပဵၼ်ယူႇ ၵူၺ်းၵႃႈႁႂ်ႈႁဝ်းၶႃႈ ၶႅၼ်ႇမဵဝ်းလႂ်မဵဝ်းၼိုင်ႈတေႉၵေႃႈဢမ်ႇၸႂ်ႈ ပေႃးသင် ဝႃႈၶဝ်ႈလဵပ်ႈႁဵၼ်းယဝ်ႉၵေႃႈ ႁူႉလွင်ႈမၼ်းယဝ်ႉၵေႃႈ မၼ်းဢမ်ႇထိုင်တီ ၶႂ်ႈၶူၼ်ႉၶႂႃႉ ႁႃတၢင်းႁူႉ ၸွမ်း Website တႆးႁဝ်း ဢမ်ႇၼၼ် Web ၼွၵ်ႈမိူင်းၵေႃႈလႆႈယူႇ ဢၼ်ၼင်ႇၶႃႈႁဝ်းႁူႉလႄႈတူဝ် ထူပ်းမႃးၼၼ်ႉ ပေႃးသင်ဝႃႈၶႃႈႁဝ်းၶိုတ်းတၼ်းမၼ်းၸွမ်းၼႆၸိုင် ၶႃႈႁဝ်းတေသိုပ်ႁႃမႃးမႅင်ႇပၼ် ပီႈၼွင်ႉႁဝ်းၼင်ႇၵႃႈပဵၼ်လႆႈ ၶႃႈႁဝ်းယွင်ႈယေႃးမိူၼ်ၼင်ႇ Web တႆးႁဝ်း Web ထႆး Web လုမ်ႈၾႃႉဢၼ်မႅင်ႇၽေတၢင်းႁူႉၼၼ်ႉၼမ်ၼမ် သေၵမ်း။
