တေလိူၵ်ႈသိုဝ်ႉ sd card ၸိူင်ႉႁိုဝ်?

လိူၵ်ႈသိုဝ်ႉ sd card ၸိူင်ႉႁိုဝ်?

မႂ်ႇသုင်ၶႃႈ မိူဝ်ႈၼႆႉၶႃႈႁဝ်းမႃးလၢတ်ႈလွင်ႈၵၢၼ်လိူၵ်ႈသိုဝ်ႉ memory card ဢၼ်ၸႂ်ႉတိုဝ်းၸွမ်းၶိူင်ႈၸႂ်ႉဢၢႆႇထီႇ ၸိူင်ႉၼင်ႇၾူၼ်း ၶိူင်ႈထၢႆႇႁၢင်ႈ digital camera video recorder ၶွမ်ႇၽိဝ်ႇတိူဝ်ႇ computer လႄႈ ၶိူင်ႈၸႂ်ႉ တၢင်ႇၸိူဝ်ႉတၢင်ပိူင်ၶႃႈ။

ယုမ်ႇယမ်ဝႃႈလၢႆၵေႃႉၵေႃႈတေၸႂ်ႉတိုဝ်းၾူၼ်းမိုဝ်းထိုဝ် ၶိူင်ႈထၢႆႇႁၢင်ႈ ၶွမ်ႇၽိဝ်ႇတိူဝ်ႇၵၼ်ယူႇၶႃႈ ၵမ်ႈၼမ်တေႉ
တေပဵၼ်ၾူၼ်းမိုဝ်းထိုဝ် ဢၼ်လမ်ႇလွင်ႈၵိုၵ်းၵၼ်မႃးၸွမ်းမိူဝ်ႈႁဝ်းသိုဝ်ႉၾူၼ်းမႂ်ႇၼၼ်ႉၵေႃႈ လိူဝ်သေၶိူင်ႈမၼ်း
ယဝ်ႉ ဢၼ်ဢမ်ႇယႃႇလွတ်ႈလႆႈၼၼ်ႉပဵၼ် memory card ၼၼ်ႉၶႃႈယဝ်ႈ ၵမ်ႈၼမ်မိူဝ်ႈလဵဝ်ၾူၼ်းမိုဝ်းထိုဝ်
ၸႂ်ႉဝႆႉ micro sd card ယဝ်ႉၵေႃႈမၼ်းမီးလၢႆးလိူၵ်ႈသိုဝ်ႉ sd card ၸိူင်ႉႁိုဝ်လႄႈ ဢၼ်လႂ်လႄႈတေငၢမ်ႇၵၼ်
တၢင်းၶိူင်ႈၾူၼ်းႁဝ်း တေပဵၼ်မဵဝ်း class လႂ် သိုပ်ႇတူၺ်းၶႃႈ။

sd card ၸိုဝ်ႈတဵမ်မၼ်းႁွင်ႉဝႃႈ Secure Digital Card ပဵၼ်မဵဝ်း Flash Memory လႄႈ ၵမ်ႈၼမ်ၸႂ်ႉၸွမ်း
ၶိူင်ႈၸႂ်ႉဢိလဵၵ်ႉထြေႃးၼိၵ်ႇ မိူဝ်ႈဢွၼ်တၢင်းၸႂ်ႉၸွမ်းၶိူင်ႈထၢႆႇႁၢင်ႈၻိၸိတွၼ်ႈ ၶိူင်ႈလဵၼ်ႈၽဵင်းၵႂၢမ်း mp3 ၶိူင်ႈ
ထၢႆႇငဝ်းတူင်ႉ video မိူဝ်ႈလဵဝ်လႆႈဝႃႈသူင်ၵၼ်တေႉတေႉယဝ်ႈ ၶိူင်ႈထၢႆႇႁၢင်ႈ DSLR ၵေႃႈၸႂ်ႉတိုဝ်းၵၼ်ၼမ်
ၵွပ်ႈဝႃႈမၼ်းဝႆး ငၢႆႈပဵၼ်ပိူင်တၢႆမၼ်းၵမ်ႈၼမ်ၶႃႈယဝ်ႈ။

မိူဝ်ႈလဵဝ် sd card မီးၸိုဝ်ႈလၢႆမဵဝ်းႁဵတ်းႁႂ်ႈႁဝ်းၵႂင် ၵူၺ်းၵႃႈပေႃးတူၺ်းလီလီၼႆၸိုင် ၸႅၵ်ႇၽေဝႆႉၸိူင်ႉၼႆၶႃႈ၊

sd card (secure dtgital card) မီးဢွင်ႈတီႈသႂ်ႇတၢင်းၼမ်လႆႈတေႇဢဝ် 4MB - 4GB
sdhc card (secure digital high capacity) ဢွင်ႈတီႈတၢင်းၼမ် 4GB - 32GB
sdxc card (secure digital extended caplcity) ပဵၼ်ၵၢတ်ႉဢၼ်မီးဢွင်ႈတီႈတၢင်းၼမ်တေႇဢဝ်
32GB - 1TB ၼၼ်ႉၶႃႈယဝ်ႈ  


ၵမ်းၼႆႉမႃးတူၺ်း class speed တၢင်းဝႆးလွင်ႈဢၢၼ်ႇလႄႈတႅမ်ႈမၼ်းၼၼ်ႉတေၸႅၵ်ႇဝႆႉမၢႆၼပ်ႉ 2,4,6,10 
ၸိူင်ႉၼႆၶႃႈ၊

 

ၼႂ်း class speed တၢင်းလႅတ်းဝႆးမၼ်းၼၼ်ႉပေႃးပဵၼ်

class 2 တႅမ်ႈလႆႈဝႆးဢေႇသုတ်း 2MB/s

class 4 တႅမ်ႈလႆႈဝႆးဢေႇသုတ်း 4MB/s

class 6 တႅမ်ႈလႆႈဝႆးဢေႇသုတ်း 6MB/s

class 10 တႅမ်ႈလႆႈဝႆးဢေႇသုတ်း 10MB/s

လိူၵ်ႈၸႂ်ႉၸွမ်းၶိူင်ႈၸႂ်ႉႁဝ်းၼၼ်ႉၶႃႈ ၵမ်ႈၼမ်ယဝ်ႉလိူၵ်ႈတၢင်းဝႆးတီႈ class 4 class 6 ၼၼ်ႉၵေႃႈၵုမ်ႇထူၼ်ႈ
ယဝ်ႉၶႃႈ ယိူင်ႈ class ၼမ် ၵႃႈၶၼ်သမ်ႉယႂ်ႇၸွမ်းမၼ်းၶႃႈလႄႈ မွၵ်ႈ class 4 ထၢႆႇငဝ်းတူင်ႉ video ဢၼ်ပဵၼ်
HD 720p ၶိုၼ်ႈလိူဝ်ၼၼ်ႉၶႅၼ်းၶႅမ်ႉ မၢင်ပွၵ်ႈၵေႃႈလူဝ်ႇတူၺ်းပႃးၶိူင်ႈၸဝ်ႈၵဝ်ႇၸွမ်းဝႃႈၸွင်ႇမၼ်းႁွင်းႁပ်ႉႁိုဝ်
ပေႃးပဵၼ်ၾူၼ်းၸၢတ်ႈၵႃႈယႂ်ႇ ၸိူင်ႉၼင်ႇ iphone samsung galaxy s galaxy note လႄႈထႅင်ႈလၢႆမိၵ်ႈ
ၸိူဝ်းၵႃႈယႂ်ႇၸိူဝ်းၼၼ်ႉတေတႅမ်ႈဢၢၼ်ႇၶေႃႈမုၼ်းလႆႈသုင်လႄႈ သိုဝ်ႉၵႂႃႇၸႂ်ႉတိုဝ်းၵေႃႈတေသၢင်ႇထုၵ်ႇယူႇ။

ၵမ်းၼႆႉႁဝ်းမႃးၽိုၵ်းတူၺ်း sd card ၶႃႈဝႃႈမၼ်းပဵၼ်ၸိူင်ႉႁိုဝ်။

ၸွမ်းၼင်ႇၶႅပ်းႁၢင်ႈၼေၼၼ်ႉပွင်ႇဝႃႈပဵၼ်မဵမ်းၵၢတ်ႉ SDHC (Secure digital high capacity) ဢွင်ႈတီႈ
တၢင်းၼမ် 4GB-32GB ၸႂ်ႉလႆႈတၢင်းလႅတ်းဝႆး class speed 4MB/s တေႃႇထိုင် 15MB/s ဢၼ်ၶဝ်တႅမ်ႈဝႆႉ
ဝႃႈ 15MB/s ၼၼ်ႉပဵၼ်မိူဝ်ႈဢၢၼ်ႇ read မၼ်းၶႃႈ မိူဝ်ႈတႅမ်ႈ write မၼ်းၼၼ်ႉတေထိူင်းလိူဝ်မိူဝ်ႈဢၢၼ်ႇ။

*ၶေႃႈသပ်းလႅင်း မိူဝ်ႈတႅမ်ႈ write လႄႈမိူဝ်ႈဢၢၼ်ႇ read

တႅမ်ႈ write မႅၼ်ႈမိူဝ်ႈႁဝ်းတိုၵ်ႉထၢႆႇၶႅပ်းႁၢင်ႈ ဢမ်ႇၼၼ်ငဝ်းတူင်ႉတွၼ်ႉတႃႇတေတွင်းဝႆႉၼႂ်းၵၢတ်ႉၶႃႈ ပေႃး
တႅမ်ႈလႆႈဝႆးၵေႃႈမၼ်းတေဢမ်ႇၶမ်ၵိုတ်းၶမ်ယဝ်ႈ။
ဢၢၼ်ႇ read မႅၼ်ႈမိူဝ်ႈႁဝ်းပိုတ်ႉတူၺ်းၶႅပ်းႁၢင်ႈ ဢမ်ႇၼၼ်ငဝ်းတူင်းဢၼ်လႆႈတွင်းဝႆႉၼၼ်ႉၶႃႈ ပေႃးမၼ်း
ဢၢၼ်ႇလႆႈဝႆးၵေႃႈမၼ်းတေဢမ်ႇပၼ်တူင်ႇႁိုင် ဢမ်ႇပႂ်ႉႁိုင်။

ၵမ်းၼႆႉၵေႃႈတူၺ်းတူၺ်းသေသိုဝ်ႉမိၵ်ႈဢၼ်ႁဝ်းၵျိူၵ်ႈၼၼ်ႉၶႃႈ ၵမ်ႈၼမ်တေႉႁၼ်ပဵၼ်မိၵ်ႈ Sandisk
Kingston Transend ယဝ်ႉၵေႃႈထႅင်ႈလၢႆမိၵ်ႈ ၵမ်ႈၼမ်တေႉႁၼ်သွင်မိၵ်ႈ Sandisk လႄႈ Kingston 
ဢၼ်လိုဝ်းလင်။

မႂ်ႇသုင်ၶႃႈ ႁႂ်ႈသၢင်ႇထုၵ်ႇသေၵမ်း။